பேயோன் பக்கம்

பேயோன் பக்கம்

முதல் முறையாக என்னைப் படிப்பவனுக்கு….

-பேயோன் பக்கம்

புளி கரையும் வயிற்றுக்காரா,
ஏதேதோ புத்தகம் புரட்டி
எதிலும் திருப்தி காணாமல்
கடைசியில் என்னைத் தேர்ந்து
படிக்கிறாயா?
பிடித்துக்கொள்ள
சிமென்ட் சுவர்,
சரிந்து உட்காரக்
கால் ஆடா நாற்காலி,
அரும்பு வியர்வை
துடைக்கக் கைக்குட்டை,
உதறும் கரங்களால்
மார்பில் கொட்டிக்கொண்டு
குடிக்க சுத்தமான குடிநீர்,
தொய்ந்த கையிலிருந்து
புத்தகத்தை நழுவவிட
மாப்பிங் செய்துலர்ந்த தரை,
கைத்தாங்கலுக்கு
நேச உள்ளங்கள் நான்கு,
சோடா வாங்கிவரப் பையன்,
சார்ஜுள்ள செல்பேசியின்
ஸ்பீட் டயலில் 108
இதுகளனைத்தும்
இருக்கிறதா உன்னிடம்?
வா, சகா, வா, சகி!

-பேயோன்